Déanfar ionadaíocht le mórtas ar phobal uasal a chleachtann traidisiúin na háite agus a muintire rompu. Déanfar fuisce bunaithe ar na seanbhealaí stiléireachta agus eorna a bhrachadh ar an seanbhealach freisin. As teach stiléireachta atá neadaithe i gCuan álainn Charna, áit a imreoidh tionchar ar bhlas an fhuisce agus na cineálacha fuisce a dhéanfar ann. Fuisce ceart Chonamara é fuisce Chnoc Buí.
Mar gheall ar an gcaonach a bhíonn ar mhoghlaeirí ar fud an cheantair agus ar an aiteann buí a bhíonn ag fás go tréan sa gcuid seo de Chonamara a tugadh Cnoc Buí ar an drioglann.
Bíonn an ceantar álainn agus rúndiamhrach seo faoi bhrat buí, donn agus óir beagnach ocht mí den bhliain. Is radharc é seo a bhaineann le portaigh Chonamara - áit a bhfuil cnocáin bhuí ag éalú anuas ó na Beanna Beola ag déanamh ar an Atlantach.
Níl raibh aon ainm eile ann a thabharfadh léargas mar is ceart ar an áit a mbeidh an fuisce seo á dhéanamh.
DRIOGLANN CHNOC BUÍ
Idir bhairillí a bheith á n-aosú ag an bhfarraige, an úsáid ar leith a bhainfear as eorna agus móin agus muintir na Gaeltachta féin a bheith ag déanamh an fhuisce, beidh fuisce Chnoc Buí ar an bhfuisce is gaelaí ann. Beidh an saol achrannach a bhain le Conamara agus an teacht aniar atá sna daoine le brath ar an bhfuisce a dhéanfar i gCnoc Buí.
Is as Loch an Iarainn, atá sna cnoic, os cionn Chuan Charna a tharraingeoimid an t-uisce. Bhí cáil riamh ar Loch an Iarainn mar gheall ar chaighdeán an uisce ann. Ba ann a théadh lucht farraige ag iarraidh fíoruisce sula dtabharfaidís faoi aistear fada trasna an Atlantaigh. Cuirfidh an foinse chéanna uisce seo le charachtar gach braon fuisce a thiocfaidh amach as drioglann Chnoc Buí.
Fear talún agus fear farraige, bhí cónaí ar Phádraic Pheaits Anna i dTír an Fhia, baile beag ar Gharmna i gConamara.
BHÍ AN-MHEAS AR AN bPOITÍN A DHÉANADH SÉ AGUS BA AR AN TEACHT ISTEACH ÓN bPOITÍN SIN A THÓG SÉ CLANN.
As na hOileáin go cladaí ó thuaidh Chuan na Gaillimhe ba mhinice le Pádraic dul. Le bailte cois cladaigh gar do Chathair na Gaillimhe ba mhó a dhíol sé a chuid poitín.
FAOI DHORCHADAS NA hOÍCHE SHEOLADH SÉ A BHÁD, Í LUCHTAITHE LE POITÍN LENA DHÍOL LE FEIRMEOIRÍ I nDIAIDH AN AONAIGH, NUAIR A BHÍ A FHIOS AIGE GO mBEADH A gCUID PÓCAÍ TEANN AGUS DÚIL ACU i mBRAON DÁ CHUID POITÍN MÓINDEATAITHE.
Fear ciúin, chaith sé a shaol i dTír an Fhia, ag déanamh poitín go raibh sé go maith amach sna blianta.
Ba as an Trá Bháin ar Gharmna Micil Phádraic Mhicheáilín, fear a chaith a shaol ag déanamh poitín agus pearsa mór ann féin.
D’IOMRAÍODH MICIL A CHURACH TRASNA FARRAIGÍ ARDA CHUAN NA GAILLIMHE CHUN CEAIGEANNA DÁ CHUID POITÍN A DHÍOL IN ÁRAINN AGUS i mBAILTE BEAGA EILE AR FUD IARTHUAISCEART CHONTAE AN CHLÁIR.
Nuair a rug ‘Peelers’ as Gaillimh air ag déanamh fuisce, cuireadh príosún air - trí huaire uilig. Chuig príosún na Gaillimhe a cuireadh é, san áit a bhfuil Ard-Eaglais na Gaillimhe inniu.
BHÍ AN-CHÁIL AR AN STUIF A DHÉANADH SÉ, AR AN mBLAS A BHÍ AIR AGUS A LÁIDRE A BHÍODH A CHUID TURNANNAÍ FUISCE.
Amhail Pádraic Pheaits Anna, chaith Micil Phádraig saol fada i nDeisceart Chonamara.
JOE CONNOLLY | BUNAITHEOIR
Is cainteoir dúchais Gaeilge é Joe a bhí ina chaptaen ar fhoireann iománaíochta na Gaillimhe a bhuaigh Craobh na hÉireann. Fear é Joe a bhfuil Conamara go smior ann.
IS É JOE AN CEANGAL IDIR OIDHREACHT POITÍN MHUINTIR UÍ CHONGHAILE AGUS AN CHÉAD GHLÚIN EILE STILÉIRÍ.
Idir scéal ár n-oidhreachta stiléireachta, in éineacht le ceantar creagach Charna, áit a dhéanta, déanfar fuisce Éireannach i nDrioglann Chnoc Buí a mbeidh ardmheas ag saineolaithe fuisce ar fud an domhain air.
BARRY CONNOLLY | BUNAITHEOIR
Is é Barry an chéad ghlúin eile stiléirí i measc mhuintir Uí Chonghaile agus a dhéanfaidh fuisce ceirde ar ardchaighdeán le mórtas.
Beidh seisean ar an gcúigiú glúin stiléirí agus ní mórán teaghlach atá in ann é sin a rá.
.png){kind=logo}
